ឧ​ត្ត​រ​មានជ័យ៖ មានករណីអគ្គីភ័យមួយបានកឆាបឆេះខ្ទមមួយកន្លែង ហើយបណ្តាលអោយបុរសម្នាក់ស្លាប់យ៉ាងវេទនានៅក្នុងកំដៅព្រះអគ្គីដ៏សែនក្តៅ ។ ហេតុការណ៍នេះបានកើតឡើងកាលពី​រសៀល​ថ្ងៃទី២៨ ខែកញ្ញា​ឆ្នាំ២០១៧ ស្ថិតនៅ​ភូមិ​អូរ​សោម​ ឃុំ​ត្រពាំង​ប្រាសាទ​ ស្រុក​ត្រពាំង​ប្រាសាទ​ ខេត្ត​ឧ​ត្ត​រ​មានជ័យ ។

បើតាមការសន្និដ្ឋានរបស់សមត្ថកិច្ចបានឲ្យដឹង​ថាហេតុការណ៍នេះ កើតឡើងប​ណ្តា​ល​មកពី​ផ្ទុះ​ចង្ក្រានហ្គាស  ហើយសមត្ថកិច្ច​បានបន្តថាទៀត​ថា បុរស​​ដែលស្លាប់​នោះមានឈ្មោះ ដៀប សុ​ភី ភេទ​ប្រុស​អាយុ ២៤ឆ្នាំ​រស់នៅ ភូមិ​ត្រពាំង​ប្រាសាទ ឃុំ​ត្រពាំង​ប្រាសាទ ស្រុក​ត្រពាំង​ប្រាសាទ ហើយខ្ទមដែលត្រូវភ្លើងឆេះនោះមានទំហំ ៤ ម៉ែត្រ គុណនិង៥ ម៉ែត្រសង់ពីឈើ ប្រក់ដំបូលស័ង្កសី ជញ្ជាំងក្តារ ដោយអំណាចនៃព្រះអគ្គីមានទំហំធំពេក មិនអាចទប់ស្កាត់បានទើបបណ្តាលអោយឆេះជនរងគ្រោះ និងខ្ទមស្ទើរតែគ្មានសល់៕