ជនសង្ស័យ២នាក់ត្រូវបានកម្លាំងសមត្ថកិច្ចប៉ុស្ដិ៍ផ្សារដើមថ្កូវឃាត់ខ្លួនពីបទ…


ទំហំអក្សរ៖ S M L

ចែកចាយលើបញ្តាញសង្គម៖

ភ្នំពេញ៖ កម្លាំងនគរបាលប៉ុស្ដិ៍ផ្សារដើមថ្កូវ បានឃាត់ខ្លួនជនសង្ស័យ២នាក់ក្នុងករណី២ផ្សែងគ្នា ដែលជាប់ពាក់ព័ន្ធករណីជួញដូរ និងប្រើប្រាស់គ្រឿងញៀនដោយខុសច្បាប់ កាលពីរសៀលថ្ងៃទី១៤ ខែកញ្ញា ឆ្នាំ២០១៧ ស្ថិតនៅចំណុចមុខផ្ទះគ្មានលេខ ច្រកចូលផ្លូវឌឿងហែម កែងនិងផ្លូវមុន្នីវង្ស ក្នុងសង្កាត់ផ្សារដើមថ្កូវ ខណ្ឌចំការមន ។

សមត្ថកិច្ចនគរបាលប៉ុស្ដិ៍ផ្សារដើមថ្កូវបានអោយដឹងថា ជនសង្ស័យទាំងពីរនាក់បានឃាត់ខ្លួននៅកន្លែងផ្សែងគ្នា ដោយជនសង្ស័យទី១មានឈ្មោះ ឃី សុខេង ភេទប្រុស អាយុ២២ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះលេខ២៩M ជាប់ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ និង ម៉ូតូម៉ាកហុងដាc125ពាក់ស្លាកលេខភ្នំពេញ1GD-3482បានដកហូតថ្នាំញៀន១កញ្ចប់តូចនៅចំណុចកើតហេតុខាងលើ ។
និងទី២មានឈ្មោះ សោម ភារុន ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ បានដកហូតថ្នាំញៀនចំនួន៩កញ្ចប់តូច នៅទីតាំងកើតហេតុខាងលើដូចគ្នា ។

សូមបញ្ចាក់ផងដែរថា នៅថ្ងៃកើតហេតុ សមត្ថកិច្ចនគរបាលប៉ុស្ដិ៍ផ្សារដើមថ្កូវ បានជិះល្បាតក្នុងមូលដ្ឋាន ហើយប្រទះឃើញជនសង្ស័យទី១ ក៏បានឃាត់ខ្លួន និងដកហូតថ្នាំញៀនបាន១កញ្ចប់តូច យកមកសួរនាំនៅប៉ុស្ដិ៍នគរបាលផ្សារដើមថ្កូវ រហូតសួរនាំរួចបានបន្តទៅឃាត់ខ្លួនជនសង្ស័យម្នាក់ទៀតនៅចំណុចកើតហេតុខាងលើ ដោយដកហូតបានថ្នាំញៀន៩កញ្ចប់តូចបន្ថែមទៀត។ បច្ចុប្បន្ន ជនសង្ស័យទាំង២នាក់រួមនិងវត្ថុតាង ត្រូវបានសមត្ថកិច្ចនគរបាលប៉ុស្ដិ៍ផ្សារដើមថ្កូវ សួរនាំ និងកសាងសំណុំរឿងបញ្ចូនបន្តទៅអធិការដ្ឋាននគរបាលខណ្ឌចំការមន ចាត់ការបន្តតាមនីតិវិធីច្បាប់៕

ចែកចាយលើបញ្តាញសង្គម៖

ប្រែសម្រួលដោយ៖

ប្រធានបទ៖


 
Loading...
 

មតិលើបញ្តាញសង្គម Facebook

 

អត្ថបទស្រដៀង