ផ្លែឈើ​ទាំងនេះហើយដែល​ជួយ​ឱ្យ​ស្បែកយើង​ស្អាត​


ទំហំអក្សរ៖ S M L

ចែកចាយលើបញ្តាញសង្គម៖

ភាគច្រើនពួកយើង​សុទ្ធតែ​ដឹង​ហើយ​ថា​ការ​ទទួលទាន​បន្លែ​ផ្លែឈើ គឺ​ដើរតួ​យ៉ាងសំខាន់​សម្រាប់​សុខភាព​រាងកាយឲ្យ​ល្អប្រសើរ​។ ទោះជា​យ៉ាងណា​អ្នក​ប្រហែលជា​មិន​ធ្លាប់​ចាប់អារម្មណ៍​ទេ​ថា បន្លែ​ផ្លែឈើ​ក៏​ជះឥទ្ធិពល​លើ​ស្បែក​គួរអោយកត់សម្គាល់​ផងដែរ។ ខាងក្រោម​នេះ​យើង នឹង​បង្ហាញ​ឱ្យដឹងពី​ផ្លែឈើ​ដែល​អ្នក​គួរ​ទទួលទាន ប្រសិនបើ​លោកអ្នកចង់បាន​ស្បែក​ស្រស់ស្អាត​ និងមាន​សុខ​ភាពល្អ ៖

១. ទំពាំងបាយជូរ​ក្រហម​
​ផ្លែឈើ​នេះ​មាន​ផ្ទុក​សារធាតុ Quercetin ដែល​ជួយ​កាត់បន្ថយ​ការខូចខាត DNA ដែល​បណ្ដាលមកពី​កាំរស្មីព្រះអាទិត្យ​។​
២. ផ្លែ​ប៉ោម​
​មាន​ផ្ទុក​សម្បូរ​ទៅដោយ​កូ​ឡា​ជែ​ន​ដែល​ជួយ​បង្កើន​ភាពបត់បែន​នៃ​ស្បែក និង​ទប់ស្កាត់​ស្នាម​ជ្រីវជ្រួញ​បាន​យ៉ាង​ប្រសើរ​។ ដូច្នេះ​ប្រសិនបើ​អ្នក​ចង់បាន​ស្បែក​ស្រស់ស្អាត​ក្មេង​ជាង​វ័យ កុំ​ភ្លេច​ទទួលទាន​ផ្លែ​ប៉ោម​។​
៣. ឪឡឹក​
​ជា​ប្រភព​ដ៏​ល្អ​បំផុត​មួយ​នៃ​ជាតិ​ទឹក​ដែល​ជួយផ្ដល់ និង​រក្សា​ជាតិ​សំណើម​នៃ​ស្បែក ខណៈដែល​ស្បែក​ស្ងួត​ងាយ​នឹង​លេចចេញ​នូវ​ស្នាម​ជ្រីវជ្រួញ​។​
៤. ផ្លែ​បឺ​រ​
​មាន​ផ្ទុក​សម្បូរ​ទៅដោយ​ជាតិ​ខ្លាញ់​ល្អ monounsaturated ដែល​ជួយ​រក្សា​ជាតិ​សំណើម​នៃ​ស្បែ​កបាន​យ៉ាង​ប្រសើរ ខណៈដែល​ស្នាម​ជ្រីវជ្រួញ​ងាយ​នឹង​លេចឡើង​ចំពោះ​ស្បែក​ស្ងួត​។ លើសពីនេះទៅទៀត ជាតិ​ខ្លាញ់ monounsaturated ក៏​ជួយ​ឲ្យ​រាងកាយ​អាច​ស្រូប​សារធាតុចិញ្ចឹម និង​វីតាមីន​ផ្សេងៗ​ដែល​ស្បែក​ត្រូវការ​បាន​ពេញលេញ​ផងដែរ​។​

៥. ផ្លែ​ចេក​
​មាន​ផ្ទុក​សម្បូរ​ទៅដោយ​ជាតិ​ប៉ូ​តា​ស្យូ​ម​ដែល​ចាំបាច់​ក្នុងការ​រក្សា​តុល្យភាព​នៃ​ជាតិ​សំណើម​របស់​ស្បែក​។ ករណីខ្លះ គឺ​ស្បែក​ស្ងួត​បណ្ដាលមកពី​កង្វះ​នៃ​ជាតិ​ប៉ូ​តា​ស្យូ​ម​។ ដូច្នេះ​ព្យាយាម​រួមបញ្ចូល​ផ្លែ​ចេក​ក្នុង​របប​អាហារ​ប្រចាំថ្ងៃ​របស់​អ្នក​។​
៦. ផ្លែ​ម្នាស់​
​មាន​ផ្ទុក​អង់ស៊ីម​ម្យ៉ាង​ហៅថា bromelain ដែល​ប្រយុទ្ធប្រឆាំង​ទប់ស្កាត់​ការ​រលាក​នៃ​ស្បែក រួមទាំង​បញ្ហា​ហើម​។​
៧.​ផ្លែ​ល្ហុង​
​ជា​ប្រភព​នៃ​វីតាមីន A និង​អង់ស៊ីម papain ដែល​ជួយ​បំបែក​ប្រូតេអ៊ីន​អសកម្ម និង​កម្ចាត់​កោសិកា​ស្បែក​ងាប់ៗ​ចេញ​។​

៨. ផ្លែ​ទទឹម​
​ជា​ប្រភព​នៃ​សមាសធាតុ​ប្រយុទ្ធប្រឆាំង​ភាព​ចាស់​តាម​វ័យ​ដ៏​មាន​ឥទ្ធិពល​ដែល​ជួយ​ក្នុង​ការជំរុញ និង​ការបង្កើត​កោសិកា​ស្បែក​ថ្មី​ឡើងវិញ​៕
ចែកចាយលើបញ្តាញសង្គម៖

ប្រែសម្រួលដោយ៖

ប្រធានបទ៖ , , ,


 
Loading...
 

មតិលើបញ្តាញសង្គម Facebook

 

អត្ថបទស្រដៀង