ខេត្តព្រៃវែង៖ ស្ត្រី​ម្នាក់​បាន​ស្លាប់បាត់​បង់ជីវិត ដោយសារតែ​លេបថ្នាំ​ងងុយដេក​លើ​សក​ម្រិត។ ហេតុការណ៍​នេះ​បង្កឱ្យមាន​ការភ្ញាក់ផ្អើលឡើង​នៅវេលា​ម៉ោង៨និង៣០ នាទី ​ថ្ងៃទី ២៤ ខែកញ្ញា ឆ្នាំ២០១៧ ​ស្ថិតនៅ​ភូមិ​តា​ប៉ោង ឃុំ ថ្ម​ពូន ស្រុក​កញ្ជ្រៀច ខេត្តព្រៃវែង។

តាមសមត្ថកិច្ច​នគរបាល​មូលដ្ឋាន​ដែលបាន​ចុះទៅ​កន្លែងកើតហេតុ​ពិនិត្យ​សាកសព​បាន​សន្និដ្ឋានថា សាកសព​ជនរងគ្រោះ​ស្លាប់​ដោយសារ លេបថ្នាំ ងងុយដេកច្រើន​លើស​កំណត់។ សូមបញ្ជាក់ផងដែរជនរងគ្រោះដែលបានបាត់បងជីវិតមាន​ឈ្មោះ វីរៈ វណ្ណដា ភេទ​ស្រី អាយុ២៣ឆ្នាំ រស់នៅ​ភូមិ​ឃុំ​កើតហេតុ​ខាងលើ។

បើតាម​ការបញ្ជាក់​ពី​ក្រុមគ្រួសារ​ជនរងគ្រោះ​បានអោយដឹងដែរថា ជនរងគ្រោះ​មាន​ជម្ងឺ​ដេក​មិន​លក់ ហើយក៏​ទិញ​ថ្នាំ ងងុយដេក​មក​លេប តែ​ដោយ​ប្រើ​ច្រើនពេក​ធ្វើអោយ​ស្លាប់​តែម្តងទៅ។ ក្រោយ​ពីធ្វើការពិនិត្យ​សាកសព​រួច សមត្ថកិច្ច​នគរបាល​បានប្រគល់​សាកសព ទៅអោយ​ក្រុមគ្រួសារ​សពដើម្បីចាត់ចែងធ្វើបុណ្យ​តាម​ប្រពៃណី៕ ប្រភព៖ ហ្វេសប៊ុក