មនុស្ស៤នាក់រងរបួសធ្ងន់និងស្រាល ក្នុង​ករណី​គ្រោះថ្នាក់​រថយន្ត៣គ្រឿង​បុក​បន្ត​គ្នា


ទំហំអក្សរ៖ S M L

ចែកចាយលើបញ្តាញសង្គម៖

ខេត្ត​ព្រះ​សីហ​នុ ៖ ហេតុការណ៍គ្រោះថ្នាក់ចរាចរណ៍មួយ កាលពីវេលាម៉ោងប្រមាណជិត៤ល្ងាចថ្ងៃ០២ ខែសីហា ឆ្នាំ២០១៨នេះ ដោយមានរថយន្ត៣គ្រឿងបុកបន្តគ្នា បណ្តាលអោយមនុស្ស៤នាក់រងរបួសក្នុងនោះមានម្នាក់របួសធ្ងន់ ស្ថិតនៅមុខកសិដ្ឋានចាស់ផ្លូវជាតិលេខ៤ ចន្លោះគីឡូម៉ែត្រ​ ១៦៩-១៧០ ក្នុងភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ។

សមត្ថកិច្ចបានឲ្យអោយដឹងថា មុនពេលកើតហេតុគេឃើញ​រថយន្ត​ម៉ាក​ហ៊ី​យ៉ា​ន់​ដាយ ពណ៌​ស ពាក់​ស្លាក​លេខ ភ្នំពេញ 3F-7220 បើកបរ​ដោយ​ឈ្មោះ មឿ​ន សាយ ភេទ​ប្រុស អាយុ​៣០​ឆ្នាំ មុខរបរ​បើកបរ មាន​ទីលំនៅ​ភូមិ​ផ្អាវ ឃុំ​ផ្អាវ ស្រុក​ព្រៃឈរ ខេត្តកំពង់ចាម ក្នុង​ទិស​ដៅ​ពី​ខេត្ត​ព្រះ​សីហ​នុ​ទៅ​ភ្នំពេញ (​របួសធ្ងន់​)​ លុះមក​ដល់​ចំណុច​ខាងលើ បាន​បុក​ប៉ះ​នឹង​រថយន្ត​០១​គ្រឿងទៀត ម៉ាក​ហ៊ី​យ៉ា​ន់​ដាយ ពណ៌​ស ពាក់​ស្លាក​លេខ ព្រះ​សីហ​នុ 3A-7007 បើកបរ​ដោយ​ឈ្មោះ យ៉ុ​ង សា​រុន ភេទ​ប្រុស អាយុ​២៤​ឆ្នាំ មុខរបរ​បើកបរ មាន​ទីលំនៅ​ភូមិ​ដើម​ស្នាយ ឃុំ​ព្រែក​ត្រឹ​ស ស្រុក​កំពង់ត្រាច ខេត្តកំពត​(​របួសស្រាល​) ក្នុង​ទិស​ដៅ​បញ្ច្រាស​គ្នា​ ហើយ​ក៏បន្ត​ទៅ​បុក​រថយន្ត​ដឹក​សាំង​ម៉ាក​ហ៊ី​យ៉ា​ន់​ដាយមួយគ្រឿងទៀត ពណ៌​សលាយ​ក្រហម ពាក់​ស្លាក​លេខ ភ្នំពេញ 3C-4821 (​រថយន្ត​ចត​ចោល​ក្បាល​ទៅ​ទិស​ភ្នំពេញ​) បើកបរ​ដោយឈ្មោះ ប៉េ ណា ភេទ​ប្រុស អាយុ​៣៣​ឆ្នាំ មុខរបរ បើកបរ មាន​ទីលំនៅ​ភូមិ​ពានា ឃុំ​អំពិល​ក្រា​វ ស្រុក​ស៊ី​ធរ​កណ្តាល ខេត្តព្រៃវែង​។ក្នុងហេតុការណ៍គ្រោះថ្នាក់ចរាចរណ៍នេះ បានបណ្ដាលឲ្យមនុស្ស៤នាក់រង​របូសធ្ងន់់និងស្រាល។

ក្រោយកើតហេតុ សមត្ថកិច្ចនិងក្រុមសង្គ្រោះបានព្យាយាមជួយសង្គ្រោះអ្នកបើកបររថយន្តម្នាក់ដែលរងរបួសជាប់ក្នុងរថយន្ត ដោយប្រើគ្រឿងចក្រអុិចស្កាវ៉ាទរ័ ទាញយកចេញ និងបានបញ្ជូនយកទៅមន្ទីរពេទ្យភ្លាមៗដែរ៕

ចែកចាយលើបញ្តាញសង្គម៖

ប្រែសម្រួលដោយ៖

ប្រធានបទ៖


 
Loading...
 

មតិលើបញ្តាញសង្គម Facebook

 

អត្ថបទស្រដៀង