អគ្គិភ័យឆាបឆេះផ្ទះប្រជាពលរដ្ឋជាច្រើនខ្នងនៅខណ្ឌឫស្សីកែវ


ទំហំអក្សរ៖ S M L

ចែកចាយលើបញ្តាញសង្គម៖

ភ្នំពេញ៖ សេចក្តីរាយការណ៍​បឋម​ឱ្យ​ដឹង​ថា មានអគ្គីភ័យយ៉ាងសាហាវមួយ បានបំផ្លាញផ្ទះប្រជាពលរដ្ឋជាច្រើនខ្នង នៅតាមជួរមាត់ច្រាំងទន្លេ ហូសពីស្ពានបេឡេ ប្រហែល៥០ម៉ែត្រ ស្ថិតភូមិមិត្តភាព សង្កាត់ឫស្សីកែវ ខណ្ឌឫស្សីកែវ ដោយបង្កការភ្ញាក់ផ្អើលជាខ្លាំងដល់បងប្អូនប្រជាពលរដ្ឋ រួមទាំងសមត្ថកិច្ចកាលពីវេលម៉ោង៣ និង១០នាទីរំលងអធ្រាត្រ ឈានចូលថ្ងៃទី១០ ខែកក្កដា ឆ្នាំ២០១៨នេះ ។

តាមប្រភពព័ត៌មានពីប្រជាពលរដ្ឋដែលកន្លែងកើតហេតុបានឲ្យដឹងថា មុនពេលកើតហេតុ ការ​ឆេះ គឺ​បណ្តាល​មក​ពី​ទុ​ស្សេ​ខ្សែភ្លើង​ឆេះ​យ៉ាង​សន្ធោសន្ធៅ ទើប​ឆ្លង​រាលដាល​រហូត​ផ្ទុះ​ធុង​ហ្គា​ស​ឆេះ​កាន់តែ​ខ្លាំង​ឡើង ។ ហើយភ្លាមៗនោះប្រជាពលរដ្ធក៏បានរាយការណ៍ទៅសមត្ថកិច្ច ហើយពួកគាត់បានយកទឹកជះជាបណ្ដើរៗផងដែរ តែទោះជាយ៉ាងណាពួកគាត់មិនអាចពន្លត់អគ្គីភ័យដោយខ្លួនឯងបាននោះទេ រហូតមានការរាលដាលឆេះយ៉ាងសន្ធោសន្ធៅពីផ្ទះមួយ ទៅផ្ទះមួយអស់ជាច្រើនខ្នងតែម្ដង ។

ភ្លាមៗ សមត្ថកិច្ចមូលដ្ឋានបានចេញរថយន្តពន្លត់អគ្គីភ័យជាច្រើនគ្រឿងមកធ្វើការបាញ់ពន្លត់យ៉ាងញាប់ដៃ ញាប់ជើងផងដែរ តែដោយសារការចូលរថយន្តពន្លត់អគ្គីភ័យនោះមានការពិបាកបន្តិច រួមជាមួយផ្ទះពួកគាត់សង់ឡើងសុទ្ធតែឈើ ប្រក់សង្ហសី ទើបធ្វើឲ្យការបាញ់ពន្លត់ពិបាក និងមានការឆាបឆេះរហ័ស ទើបបណ្ដាលឲ្យឆេះអស់ជាច្រើនខ្នង ។ តែទោះជាយ៉ាងណា កម្លាំងអន្តរាគមន៍ពន្លត់អគ្គីភ័យ បានខិតខំបាញ់ទឹកពន្លត់ និងប្រើពេលវេលាជាង២ម៉ោង ទើបបាញ់រលត់នៅវិញជាស្ថាពរនៅវេលាម៉ោង៥ជិតភ្លឺ ។

ប្រភព​ចុង​ក្រោយ​បន្ត​ថា ហេតុការណ៍​នេះ ភ្លើង​ឆេះ​ផ្ទះ​អស់ទាំង​ស្រុង​ សរុប​៦៤​ខ្នង ផ្ទះ​ស្មើនឹង​៦៤​គ្រួសារ ដោយ​ខូចខាត​សម្ភារ​អស់​ជា​ច្រើន តែ​មិន​បណ្តាល​ឱ្យ​មាន​គ្រោះថ្នាក់​ដល់​អាយុជីវិត​មនុស្ស​ទេ ។ នៅ​ក្នុង​ប្រតិបត្តិការ​នេះ រថយន្ត​ពន្លត់​អគ្គិភ័យ​មក​ពី​អង្គ​ភាព​មួយ​ចំនួន​ជួយ​អន្តរាគមន៍​បាញ់​ទឹក​ចំនួន​៣២​គ្រឿង ក្នុង​នោះ​រថយន្ត​របស់​ស្នងការ​រាជធានី​ភ្នំពេញ ២២​គ្រឿង (​ប្រើ​ទឹក​អស់​១១០​ជើង​), ខណ្ឌ​ជ្រោយចង្វារ​៦​គ្រឿង (​ប្រើ​ទឹក​អស់​១០​ជើង​), ខណ្ឌ​ប្ញ​ស្សី​កែវ​១​គ្រឿង ប្រើ​ទឹក​អស់​៣​ជើង​, ក្រសួងមហាផ្ទៃ​៣​គ្រឿង (​ប្រើ​ទឹក​អស់​៦​ជើង​) និង​ខាង​ម៉ា​រី​ន​របស់​ចរាចរណ៍​ជើង​ទឹក​២​គ្រឿង​ផង​ដែរ ។

  

ចែកចាយលើបញ្តាញសង្គម៖

ប្រែសម្រួលដោយ៖

ប្រធានបទ៖


 
Loading...
 

មតិលើបញ្តាញសង្គម Facebook

 

អត្ថបទស្រដៀង