នាំមកជូនដោយ៖

គណះកម្មារការចម្រុះចុះបិទទីតាំងផលិតទឹកកកគ្មានច្បាប់ទម្លាប់មួយកន្លែង ក្រោយធ្លាយឧស្ម័នអាម៉ូញ៉ាក់២លើក


ទំហំអក្សរ៖ S M L

ភ្នំពេញ៖ គណះកម្មារការចម្រុះ រួមមានមន្ត្រីមន្ទីរឧស្សាហកម្ម ប្រធានការិយាល័យខណ្ឌ អធិការរង មេបញ្ជាការរងអាវុធហត្ថ ដឹកនាំដោយលោក ឌី រ័ត្នខេមរុណ អភិបាលរងខណ្ឌមានជ័យ បានចុះផ្អាកទីតាំងផលិតទឹកកកមួយកន្លែងស្ថិតតាមបណ្តោយផ្លូវលេខ៣៧១ ក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដែលគ្មានច្បាប់អនុញ្ញាតត្រឹមត្រូវ ពិសេសធ្លាប់កើតមានបាតុភាពធ្លាយបំពង់ឧស្ម័នអាម៉ូញ៉ាក់ ចំនួន២លើក បង្កឲ្យ​ឧស្ម័នសាយភាយមកខាងក្រៅរបួសមនុស្ស​៦​នាក់​ផងដែរ​។

លោក ឌី ខេមរុណ អភិបាលរងខណ្ឌមានជ័យ បាន​ឲ្យ​ដឹងថា ដោយមានបញ្ជារផ្ទាល់ពី ឯកឧត្តម​ ឃួង ស្រេង អភិបាលរាជធានីភ្នំពេញ បានបញ្ជារឲ្យ​អាជ្ញាធរខណ្ឌមានជ័យ ធ្វើយ៉ាងណាត្រូវសហការណ៍​ជាមួយមន្ត្រីជាមួយ​ពាក់ព័ន្ធចុះបិទទីតាំងផលិតទឹកកកខាងលើនេះជាបន្ទាន់ ក្រោយកើតមានបាតុភាពធ្លាយបំពង់ឧស្ម័នអាម៉ូញ៉ាក់ ចំនួន២លើក​បង្កឲ្យ​មានហា​និភ័យធ្ងន់ធ្ងរដល់សុខភាពពលរដ្ឋ​។ អភិបាលរងខណ្ឌមានជ័យ​ដដែលបន្តថា ទីតាំងខាងលើនេះ​គឺជាទីតាំងគ្មានច្បាប់ទម្លាប់ត្រឹមត្រូវពីក្រសួង ឬមន្ទីរពាក់ព័ន្ធឡើយ ហើយចំពោះសង្វាក់ផលិតកម្ម នៃការផលិតទឹកកក គឺ​ពុំមានលក្ខណះបទដ្ឋានបច្ចេកទេសតាមជំនាញអ្វីទាំងអស់។

គួររំលឹកថា ទីតាំងខាងលើ គឺធ្លាប់កើតមានបាតុភាពធ្លាយបំពង់ឧស្ម័នចំនួន២លើក ដែលលើកទី១កាលពីថ្ងៃទី៨ ខែវិច្ឆិកា ឆ្នាំ​២០១៦ និងលើកទី២ កាលពីព្រឹក ថ្ងៃទី៣ ខែកក្កដា ឆ្នាំ២០១៧ កន្លងទៅនេះ​។ ចំពោះករណីទាំង២លើក បាន​បណ្តាល​ឲ្យ​មន្ត្រីនគរបាលជំនាញអគ្គីភ័យ​៦នាក់ត្រូវរងរបួសសន្លប់ជាច្រើនម៉ោង​។

ឯកឧត្តម ចាន់ ប៉ូរិន អគ្គនាយក​នៃវិទ្យាស្ថានស្តង់ដារកម្ពុជា ឧស្ម័នអាម៉ូញាក់ គឺជាឧស្ម័នដែលអាចធ្វើឲ្យ​ទឹកកក កកលឿនឆាប់រហ័សបំផុត​។ បន្ថែមពីនោះ​ផលប៉ះពាល់របស់វា គឺវាអាចធ្ឲ្យ​មនុស្សហូរទឹកភ្នែក អស់កម្លាំង និងស្លេកស្លាំងជាដើមប្រសិន​បើ​យើង​ស្រូបក្លិនរបស់វាចូលក្នុងខ្លួនប្រាណតិចល្មម​។ ប៉ុន្តែក្នុងករណី​ប្រសិនបើយើងស្រូបក្លិននេះចូលក្នុងខ្លួនប្រាណច្រើន វាអាចបង្កផលប៉ះពាល់ធ្ងន់ធ្ងរដល់សួតរបស់យើង និងពិសេសអាចឲ្យ​មនុស្សសន្លប់បាត់បង់ស្មារតីក្នុងពេលមួយបប្រិច​៕ អត្ថបទដោយ៖ អ្នកប្រម៉ាញ់ទីក្រុង​

ចែកចាយលើបញ្តាញសង្គម៖

ប្រែសម្រួលដោយ៖

ប្រធានបទ៖


 
Loading...
 

មតិលើបញ្តាញសង្គម Facebook

 

អត្ថបទស្រដៀង